Föt, föt, föt

Lár vinkona var að flytja til Ástralíu og þurfti að losna við föt og skó. Ég er svo heppin að nota sömu stærð og lára í fötum og skóm að hún gaf mér fullt af gömlum fötum sem hún ætlaði að henda. ÉG tók sirka helming og hinn helmingurinn fór í rauða krossinn.
Takk Lára.
Nú er ég bara orðin gella í flottum skóm :)
Nú er lítið að gerast hjá okkur, nema það að öskudagur er í næstu viku og verð ég eitthvað að sauma á krakkana, redda eða svoleiðis. Ég á svo skynsama krakka að þau ætla bæði að vera sjóræningjar. ÉG á gamlar buxur og gamla boli sem hægt er að klippa eða rífa og gera sjóræningjalegt. Við keyptum svo smá dót í Hagkaup. Það er svo gaman að vera gera smá svona heimatilbúna búninga. Vona að það endurvekjist í kreppunni.

Stórt skref var tekið í gærkvöldi þegar frumburðurinn var skráður í grunnskóla. Núna er ég tilbúin að takast á við að ég er að verða þrítug.
Aðeins eitt og hálft ár í það.

sci-fi kvöld

Síðasti janúar

Góðri viku að ljúka.
Vinnan var góð í vikunni, nóg að gera. Ég fór á þrjá fundi og finnst mér ég hafa fullornast talsvert eftir þá. Skipulagning foreldraviðtala og námskráa í fullum gangi og mun ég taka þrjú foreldraviðtöl í næstu viku. Ætli ég fullornist þá bara ekki meira.
Reginn varð þriggja ára þrátt fyrir mótþróa í drengum hefur hann sæst við það . Hann fékk rúm frá foreldrunum og finnst mér litla barnið mitt vera orðin rosa stór.
Hann fagnaði afmælinu sínu síðasta miðvikudag eins og honum einum er lagið og skeit á sig tvisvar í skólanum :)

Sunna var dugleg að hjálpa mér að baka síðasta föstudagskvöld og sofnaði klukkan 22:20 eftir að hafa verið að síðan 19:30. Alveg búin á því.
Afmælisveislan gekk vel.
Strákarnir okkar fengu bronsið.
Samantekt lokið.


Ég gerðist svo mikill snillingur í gærkvöldi að ég tók aðeins aðra linsuna úr mér og svaf með hina. Mér til mikilla undrunar sá ég ansi illa með gleraugun mín í gærkvöldi ekki vitandi að ég væri með linsu í öðru auganu. Þá er eins og ég sé að horfa í gegnum tvö gler og allt verður óskýrt.
Ég sagði við Frikka að þetta myndi örugglega lagast á morgun. Þegar ég lét svo linsurnar í mig í morgun varð ég furðu lostin að önnur linsan var ekki í boxinu, ég byrjaði að leita á vaskinum og svo leit ég upp og sá svona rosa vel. Ég fikraði til í auganu sem linsan hafði verið allan tíman og mér til mikillar undurnar var linsan þar. Vá hvað ég var stupid :)

Strákurinn orðinn 3 ára

Reginn þá


Reginn nú

Næst síðasta helgin í janúar:

Frábær helgi hálfnuð.
Föstudagur: bóndadagur, ég bjó til satay súpu handa Frikka en smá Sushi með líka á meðan Reginn gæddi sér á hamborgara. Sunna var í heimsókn hjá vinkonu sinni að horfa á Wipe out (það mætti halda að stelpan væri orðin 10 ára :)).
Því næst var haldið á tónleika með Doddu í Norræna húsinu :Wildbirds and Peacedrums, frábærir tónleikar.
Laugardagur: venjulegur þar sem farið var í grjónagraut í hádeginu til tengdó og verslunarferð í Krónuna. Þar fékk Reginn að velja sér morgunkorn til að borða í morgunmat á afmælisdaginn sinn. Hann valdi Coco krispies enda smekksmaður.
Skúli og Hildigunnur komu með litla Einar Kristján í spilakvöld. Við Einar urðum bestu vinir eftir þá kvöldstund.
Morgundagur verður ekki slæmur þar sem við höngum í náttfötum til hádegis og förum svo í pönnsur til mömmu og pabba. Endum kvöldið svo á Sci-fi mynd.

Maður bara að fara á tónleika annað kvöld

Sushi æðið heldur áfram

Prjóna sushi


USB sushi