Crazy steve

hugmyndablogg

2011-11-11T21:03:00.004Z

Ég fékk svo geðveika hugmynd um daginn. Ég frétti frá vini mínu að það hefði verið árshátíð hjá Vodafone síðustu helgi. Vodafone er frekar stórt fyrirtæki örugglega margar deildir og ekkert allir sem þekkjast innan fyrirtækisins. Pælið í ef maður mundi fara (vera aðeins búin að kanna áður) og segjast vera nýbyrjuð að vinna og hvort þú mættir sitja hjá þessu ákveðna fólki. Það mundi örugglega enginn þora að segja neitt við þig eða véfengja þig. Svo væri maður bara að djamma með einhverju fólki og rosa stuð.
Geðveik hugmynd ekki satt ?

föstudagskvöldshugleiðingar

2011-10-21T21:01:00.003Z

Ég sé á gömlu bloggi að ég hef alveg gleymt mánaðarheitunum mínum. Það segir mér aðeins eitt, ár er langur tími.
Mánaðarheiti fyrir þennann mánuð er að halda gott afmæli fyrir stelpuna mína sem verður 7 ára næsta miðvikudag. Mig langar líka að standa mig vel í skólanum en það er kannski frekar haustannarheiti.

Ég læri ýmislegt í strætó og meðal annars hvað er heitt í klæðaburði hjá menntskælingum. Það er greinilega þykkar dúnúlpur með loðkraga sem er málið í dag. Sem er gott.
Alveg eins og þegar KRAFT-gallatískan var hjá okkur fædd í kringum ´81.

köben í október

2011-10-18T19:22:00.002Z

Yndisleg Köben helgi að baki.

Ferðasagan

fimmtudagur: lentum seint, kjöftuðum við Andra og Sibbu, fórum svo að sofa.

föstudagur: vöknuðum og fórum niður í bæ. Keyptum föt fyrir krakkana og mig. Danir eru greinilega ekki hávaxið fólk því Frikki fann ekkert á sig :´(

Við Frikki fengum okkur hádegismat á strikinu og horfðum á fólkið ganga framhjá. Hinum megin var maður að spila á fiðlu svo við fengum smá dinnermúsík með.

Sibba og Andri elduðu dýrindis máltíð handa okkur og á meðan vorum við Frikki að CHILLA. Rosalega gott að hafa ekkert að gera.

Við spiluðum svo um kvöldið og höfðum mjög gaman af. Við spiluðum Alias og kepptum við stelpur á móti strákum. Að sjálfsögðu vann betra liðið.

Sibba að fylgjast vel með tímanum

laugardagur: vöknuðum seint, röltuðum niðri í bæ og fengum okkur kaffisopa

um kvöldið fórum við á veitingarstaðinn Mother og fengum okkur gómsætar pizzur.

pizza með kartöflum, rósmarín, hvítlaukur, rjómaostur

Hráskinka, pesto ofl

Nammi, namm!

Sunnudagur: slappað af og heimferð

Takk fyrir okkur, Sibba og Andri!!!

tölfræði og hreyfing

2011-10-03T18:39:00.004Z

Ég verð að játa það að ég er öll að koma til með tölfræðina. Mér finnst rosa gaman þegar ég skil hana. Ég vil helst bara læra hana núna, öllum stundum.

Ég held að ég sé loksins að verða fullorðin. Ég er að fylgjast með fréttum af því að mig langar til þess. Svona hef ég breyst síðan ég varð þrítug :)

Sunna er núna að æfa frjálsar í þróttir og hún er algjörlega að fíla það. Hún fór að keppa síðasta laugardag og stelpan bara með svona mikið keppnisskap. Ég vona að hún haldi áfram í þessu, mér finnst líka gaman að horfa á þetta.

Reginn fer í jóga einu sinni í viku með deildinni sinni, honum finnst það æðislegt. Deildin fer líka alltaf í göngutúra á fimmtudögum. Reyndar finnst honum svo rosalega gaman í leikskólanum að hann er hálf fúll að sunnudagur sé svona lengi að líða. Mikil breyting frá því í fyrra þegar hann grét í heilan mánuð eftir aðlögun.

Frikki og ég erum dugleg að hjóla út um allt og hreyfa okkur.

Við erum sannkölluð hreyfi fjölskylda.

hér er smá súlurit með tíðni á hreyfingu fjölskyldunnar (gróflega)

akkúrat mánuði seinna....

2011-09-29T08:57:00.003Z

... kemur blogg.

Það er nóg að gera í skólanum. Sumt skemmtilegt en annað ekki.

Mér finnst fyndið að vera kominn í Háskólann aftur og sjá að það eru enn til sömu týpurnar eins og er eflaust alltaf í öllum skólum. Ein miss know it all. Einn teachers pet og svo fleirri skemmtilegar týpur.

ég var að fá próftöfluna og er ég komi í jólafrí kl 16:30 15 desember. Ekki slæmt.

ég læri og læri og hlusta á nýju Mugison. Yndislegt!

Haustið komið

2011-08-29T19:02:00.005Z

Skólinn byrjaður og síðasta vikan mín í vinnunni.

Þetta haust leggst bara ágætlega í mig. Samt sem áður finnst mér þetta mjög skrýtið þar sem ég er búin að vinna í rúm 3 ár á Sólborg, lengsti tími sem ég hef verið á sama vinnustað.

Það fylgja því blendnar tilfinningar að kveðja gott samstarfsfólk og börnin. Ég ætla að reyna að kíkja á þau eitthvað í vetur og fá að fylgjast smá með.

Mér finnst myndbandið við þetta lag ekki síðra en lagið sjálft

úfffff!

2011-08-11T19:24:00.003Z

úff, úff

Ég var að skoða bókalistann fyrir haustið. Bókin sem ég þarf að kaupa fyrir Tölfræði I kostar 11,500kr og önnur í skýringum á hegðun kostar 7000kr. Ja hérna.

En ég er spennt og vona að ég geti gert allt sem mig langar að gera í haust, sem er: Stunda skólann vel og fá háar einkunnir, vera góð móðir, geta verið bíllaus eins og ekkert er, fara í ræktina reglulega og vera awesome :)

18 dagar í þrítugt

2011-08-09T17:21:00.003Z

Þarf maður ekki að gera eitthvað flippað áður en maður verður 30 ára.

Jú ég held það. Við Frikki erum komin með nóg af elsku Petrov (bílnum okkar). Hann er á verkstæði núna og þegar hann er kominn heim ætlum við að selja hann. Þannig að við verðum á hjólum og strætó í vetur. Er það ekki smá klikkun, or is it!?

Frikki er byrjaður aftur í vinnunni og Reginn fer smá í leikskólann á daginn. Þannig að ég og Sunna erum einar heima. Við fórum á kaffihús í dag og á bókasafnið (hjólandi). Ansi hressandi.

Miklar breytingar

2011-08-01T10:21:00.004Z

Ég er búin að sofa svo mikið síðustu daga. Ég hlýt að vera safna í forða fyrir veturinn.

Ég er byjuð að hlakka mikið til vetrarins. Það verða miklar breytingar verða hjá okkur öllum, ég fer í skóla, frikki er að vinna og verður í einu erfiðu fagi með, Sunna fer í annan bekk og fer að æfa frjálsar (hún er búin að fá lykil að heimilinu og finnst henni það frábært). Reginn skiptir svo um deild á leikskólanum.

Núna er bara einn mánuður í skólann og 26 dagar í afmælið mitt. Ég er nú samt búin að halda heldur betur uppá afmælið mitt nú þegar, ég og Dodda áttum okkar dag, ég fór til Brighton og er líka búin að fara út að borða með vinum.

Mikið hlustað á tónlist

2011-07-27T19:37:00.003Z

Þessi tvö lög eru í uppáhaldi hjá Regin þessa dagana. Mikil fjölbreytni þar í gangi.

Sem betur fer raular hann seinna lagið meira. Rosa sætt og skemmtilegt

Júlí kominn

2011-07-03T21:21:00.003Z

Ég, Rebekka og Lára áttum yndislega helgi saman. Ég varð ástfanginn af Brighton sem er svo falleg.

Það er aðeins ein vika í sumarfrí hjá krökkunum og Frikka en tvær þanngað til að ég fer :(

Stefnan okkar Frikka í sumar er að nota bílinn sem minnst (nema þegar við förum upp í sumarbústað). Frikka finnst það auðveldara en mér. Mér finnst gott að hljóla en líka gott að nota bílinn. Við sjáum til hvernig gengur.

Ég er alveg að drulla á mig í þessari heilsuræktar keppni við hana Sigrúnu vinkonu. Ég var meira og minna veik í maí eða útúr dópuð af verkjatöflum eftir tannúrtöku. Nú verð ég að fara gera eitthvað svo að ég nái að hlaupa 10km í ágúst. Vonum að næsta vika verði betri.

(krosslegg fingur)

4 dagar í stelpurnar

2011-06-13T00:02:00.003Z

jæja kvef, nú hefuru 4 daga til að fara úr systeminu mínu. Ég ætla ekki að vera kvefuð eða veik í Brighton.

Ég er svo lúmsk og klár móðir að ég náði að doppla krakkana mína í sund eftir kvöldmat og við fórum bara í heita pottinn.

Þau máttu velja um að fara í sund og vera bara í heita pottinum (þar sem ég nennti ekki að hoppa og skoppa í lauginni) eða fara í bað heima. Að sjálfsögðu völdu þau pottinn :)

Ég tók svo náttföt og tannbursta með okkur og þau komu svo hrein og fín heim beint upp í rúm. Þar las ég fyrir þau og 15 mínútum seinna voru þau sofnuð.

Svona á að gera þetta. Reginn spurði reyndar hvort að við ætluðum að sofa í fataklefanum í sundi :)

6 dagar

2011-06-10T17:33:00.002Z

ég er alveg viss um það að þegar ég byrja í skólanum verð ég duglegri að blogga.

Reginn, peginn er veikur í dag og höfum við haft það kósý í dag. Horft á sjónvarp, verið í tölvuleik og bökuð ein kaka. Ég gerði köku með hvítu kremi. nammi namm

Ég er sjálf drullu kvefuð. Ég þoli það ekki mig sem langaði svo að fara í ræktina í morgun og aftur á morgun. En það er mjög ömurlegt að vera með kvef (hor) þegar maður er að hlaupa og hoppa og skoppa.

Annars tel ég niður dagana núna í Bretland

hitt og þetta

2011-06-02T17:38:00.002Z

jæja ég er loksins búin að jafna mig eftir endajaxlatökuna. Ég vona að ég þurfi aldrei aftur að fara í svona stóra aðgerð í munninum mínum.

Sumarið fer eflaust alveg að koma, ég held í vonina. Það eru aðeins tvær vikur í Brighton og 6 1/2 vikur í sumarfrí. Jibbí

Sunna er að útskrifast á morgun úr 1.bekk í Hlíðaskóla, hún er rosa spennt fyrir næsta hausti. Þá fer hún í heimilisfræði, myndmennt, handmennt, leiklist o.fl.

Krakkarnir eru orðnir svo stórir að við hjónin erum oftar ein heima. Reginn á félaga í næsta húsi og er oft úti að leika.

Sunna á vinkonur hér allstaðar í kring og er alltaf að leika sér úti eða inni hjá öðrum stelpum.

Ég er frekar ánægð með daginn í dag. Ég þreif baðherbergið hátt og lágt og svo tók ég Sunnu herbergi í gegn. Ég tók Regins herbergi í gegn síðasta sunnudag.

Það mætti segja að ég sé eitthvað að vorhreingernast.

örlítið blogg

2011-05-18T19:18:00.004Z

Nú er maður að nálgast þrítugt og er ég farin að sýna nokkur merki til þess að maður sé að verða eldri. T.d finnst mér yndislegt að vakna kl:6:00 og fara í Tabata tíma og koma svo heim og snæða morgunmat með fjölskyldunni í rólegheitum.

Ég er byrjuð að dunda mér að púsla á kvöldin í stað þess að vera horfa á eitthvað í imbanum.

Eins gott að Frikki keypti Playstation move til halda mér ungri.

Eftir eina viku verð ég einni tönn fátækari. Ég er að fara til kjálkaskurðlæknis og láta hann taka bévítans tönnina mína. Þetta er víst nokkuð stór aðgerð og má ég ekki fara í vinnuna daginn eftir. Ég vona að þetta gangi vel og hann hitti ekki á æð og ég verði blá og marin.

Yndislegt! blogg

2011-05-08T22:01:00.001Z

Þessi helgi er búin að vera yndisleg. Laugardagurinn byrjaði á hot yoga hjá klikkaðri kellingu. Ég er ekkert að fíla hana og fer ekki í tíma hjá henni aftur.
Vikulegi grjónagrauts hádegismatur hjá tengdó klikkar ekki.
Við kíktum svo á flóamarkaðinn í Eiðistorgi, þar keypti ég fínar gallabuxur á 1000kr og matreiðslubókarstand.
Við Frikki horfðum svo á 127hours um kvöldið, mæli með henni.

Í dag hittumst við nokkrir fjölskyldu meðlimir á kaffihúsi niðri í bæ og var það yndislegt. Vonandi endurtökum við aftur bráðlega.
Að sjálfsögðu hjóluðum við niður í bæ í þessu yndislega veðri.
Ég tók svo smá til hendinni í garðinum og krakkarnir hjálpuðu til á meðan Frikki þvoði hjólin okkar.
Ég endaði með að gera BBQ rif í kvöldmatinn, þau voru yndisleg.

Nú sit ég við tölvuna og skoða gömul Madonnu myndbönd. Sorglegt þar sem ég fíla hana ekkert sérstaklega. Netið lætur mann gera ýmislegt skrýtið.

Hjóla-date

2011-05-03T23:09:00.001Z

Við Frikki fórum á date í kvöld. Við hjóluðum meðfram Nauthólssvík,í gegnum Skerjafjörðinn og kíktum á Fálkagötuna (fyrstu í búðina okkar). Svo fórum við niður í bæ og fengum okkur smotterí á Vegamótum, síðan hjóluðum við heim.
Yndislegt hljólaveður. Ég held svei mér þá að það sé komið sumar.

jákvæð í move-inu

2011-04-30T19:36:00.002Z

Mér gengur svo vel í átakinu mínu :) ég er bara rosa stolt af mér.
Þó að apríl hafi verið slæmur framan af er hann búinn að vera rosa góður í lokinn, það er að segja matarlega og hreyfingarlega séð.
Markmið mitt fyrir maí er að gefa mér tíma til að fara í ræktina og hugsa jákvætt. Reyna beisla smá jákvæðri orku í líkaman og hugann minn. (vó! smá yoga talk hér)

Frikki er svo awesome eiginmaður og faðir. Hann keypti handa okkur Playstation move í dag. Krakkarnir hoppa um íbúðina vegna þess þau eru svo hamingjusöm. Ég er líka nokkuð sátt með þetta. Í kvöld munum við fullorðna fólkið leika okkur.

Keppnin

2011-04-28T21:20:00.002Z

Hérna er linkur á síðuna okkar Sigrúnar. Ég held að það verði meiri pressa á okkur að standa okkur ef einhverjir viti af síðunni.

Þrítugar og awesome!

hann er líka hérna hægra meginn á síðunni.

Rosa langt síðan síðast

2011-04-25T13:46:00.004Z

Það er rosa langt síðan ég bloggaði síðast.
Núna er páskafríinu að ljúka og ég er bara svoldið fegin. Ég hef ekki gert neitt nema liggja og horfa á sjónvarpið og borða. Þetta páskafrí hefði kannski verið betra ef veðrið hefði ekki verið í persónuleikakrísu og skipt um skap á hálftíma fresti.
Á morgun ætla ég að hætta þessu rugl áti og hreyfingarleysi og gera eitthvað í mínum málum.
Ég er búin að fá Sigrúnu vinkonu með mér í keppni. Þar sem við verðum báðar þrítugar í ágúst og langar okkur að vera fit og flottar er keppni bara skemmtileg.
Við höfum sett upp bloggsíðu til að fylgjast með hvor annarri. En spennandi!

Annað spennandi ég er að fara til Rebekku vinkonu í Brighton í júní og Lára vinkona ætlar líka að koma. Það verður

Í kvöld mun ég kveðja vin minn sem ég vill kalla chilli Doritos. Far vel vinur við sjáumst einhverntíman í framtíðinni.

Djammið

2011-04-11T20:25:00.003Z

Ég fór að djamma á laugardagskvöldið sem er ekki í frásögur færandi nema hvað að mér fannst ég vera allt of gömul. Fyrir það fyrsta voru fullt af lögum sem ég þekkti ekki og allt "unga" fólkið öskraði Vúúúú þegar þau komu á og kunnu alla textana. Ég var að dansa þarna með minni vinkonu og hafði gaman af en það voru alltaf einhverjir gaurar að dansa alveg upp að manni og mér leið eins og ég þyrfti að sýna þeim giftingarhringinn og taka upp veskið og sýna þeim myndir af börnunum mínum tveimur.
Ég skemmti mér ágætlega enda í frábærum félagsskap með Rögnu vinkonu.
Á leiðinni heim var mér hugsað til þessa manns (sjá myndskeið)

Arty sunnudagur

2011-04-03T20:07:00.003Z

Ég fór með Reginn á Listasafn Íslands í dag þar sem Dodda vinkona er með verk.
Við skoðuðum einnig listaverk í eigu safnsins og þar sáum við verk sem Reginn var mjög hrifinn af.
Reginsund eftir Kjarval

Við vorum svo á leiðinni á bókasafnið niðri í bæ þegar við gengum framhjá Listasafni Reykjavíkur. Ég spurði Regin hvort hann vildi kíkja á þetta listasafn. Já! svaraði drengurinn spenntur.

Honum þótti rosa gaman og þurfti ég eiginlega að draga hann út.

Systkinin voru svo að leika sér í dag og tók Reginn upp á því að raða púðum á Sunnu þegar hún lá á stól. Það svipaði til listaverks eftir Sigurð Guðmundsson og er greinilegt að listin hefur smeygt sér inn í hausinn á drengnum.

Óvænt föstudagskvöld

2011-03-29T19:04:00.003Z

Síðasta föstudagskvöld langaði mig að fara á uppistand á Trúnó. Þar var lesbískttransstraight kvöld.
Ég þekkti eina sem var með uppistand (brennóskvísa).
Það voru allir uppteknir sem ég hafði samband við svo að ég ákvað að fara ein og tékka á þessu.
Það endaði með að ég hitti Hrefnu frænku og bauð hún mér að djamma með sínum vinkonum. Það var rosa gaman og endað ég með að dansa til 2:00.

Meiri að segja var ein lesbía sem reyndi við mig. Hún var nú ekki ljót að sjá og ef ég spilaði fyrir hitt liðið hefði ég örugglega tekið boðinu hennar :)

Nú loksins er vorið að koma. Krakkarni í hverfinu eru byrjaðir að leika sér meira úti og skemmtilegt að sjá Sunnu vera leika sér með krökkunum í hverfinu.
Í dag fékk Reginn leyfi að fara út í garð með Sunnu með því skilyrði að fara ekki út á götu og vera alltaf úti í garði. Þetta gekk glimmrandi vel og var gaman að fá sæla krakka inn í mat.

Nú fer mars að ljúka og hefur heitið mitt fyrir mars mánuð algjörlega floppað. Ég gerði ekkert til að hreyfa mig eða gera jóga. Ég bara át og át. Sem sagt akkúrat öfugt við mitt heiti. ÞAr með verður heitð í apríl að ég muni éta og éta, vonandi geri ég akkúrat öfugt við það ;)

Bassaleikari

2011-03-29T13:54:00.001Z

Ég hef nú alltaf fílað bassaleikara og ekki verra ef þeir eru með eitthvað tattoo en þetta tattoo á þessum bassaleikara hlýtur að vera með því svalasta sem ég hef séð.

fjöldkyldudagur

2011-03-13T08:59:00.002Z

Síðasta föstudag ákváðum við Frikki að hafa fjölskyldudag.
Þegar krakkarnir komu heim úr skólunum sínum gerði ég vöfflur í kaffitímanum.
Við fórum svo með krakkana út að borða á Sushi-train. Reginn borðaði einn bita og var bara sáttur. Sunna borðaði svona 6 -8 bita og mjög dugleg að prófa nýja bita, hún fékk sér með túnfisk, nigiri bita með lax oná ofl.
Það var rosa gaman.
Svo fengu krakkarnir að velja eina teiknimynd og smá nammi með. Við horfðum á Madagascar 2 og svo sofnuðu krakkarnir með bros á vör.

erfitt að velja

Sushi!!

Reginn eitthvað að reyna vera rostungur

Indjánastelpa og kisulingur

2011-03-08T22:14:00.004Z

Öskudagsbúningar krakkanna. Ég saumaði báða, kisubúningin fyrir 2 árum síðan fyrir Sunnu og passar núna svona glimrandi vel á Regin. Svo þennan indjánastelpubúning, sem heppnaðist bara ansi vel.
Sunna fer í sínum á morgun en Reginn fer í náttfötum því að það er náttfatapartý í leikskólanum hans. Hann fær þá bara að vera kisa heima á morgun eða einhverja aðra daga :)

marsi, marsi, mars!

2011-03-03T21:08:00.007Z

allt of langt síðan ég bloggaði síðast.
Febrúarheitið mitt gekk nú mun betur í lok mánaðar. Nú er mars hafinn og er nýtt heiti á dagskrá. Þennan mánuð mun ég .....hummm...... hreyfa mig meira. Já! ég er búin að vera í einhverri lægð í janúar, febrúar. Með hækkandi sól mun ég hreyfa mig meira með því að hlaupa ca 2-3 sinnum í viku og jóga inn á milli.
Hljómar vel og vonandi gengur það. Ég byrja eftir helgina :)
Ég og Frikki erum að fara á árshátíð hjá vinnunni hans og hlakka ég bara til. Það er náttrúlega aldrei neitt svona hjá minni vinnu enda ekkert gert fyrir okkur, bara tekið og sameinað.

Dodda vinkona er búin að gera sig ljóshærða. Eins og ég hef verið að safna vel, blundar nú einhver ókyrrð í hárinu mínu. Ansans, nei ég mun ekki klippa mig. NEI, NEI, NEI. Bara ár í viðbót þá er ég komin með lengri sídd en ég hef verið með í langan tíma.

febrúar að klárast

2011-02-22T21:51:00.003Z

Núna er aðeins vika eftir að þessum mánuði. Mánaðarheitið þennan mánuð gekk ekkert allt of vel og á ég örugglega eftir að nota þetta heiti fyrir einhvern mánuð síðar á þessu ári.
Mars er á næsta leiti og verð ég að leggja hugann í bleyti og finna eitthvað agalega sniðugt. Ég ætla ekki að taka þátt í rottumars en hvet hins vegar bóndann minn í að taka þátt í mottumars.

Kannski ætti ég að borða Mars í mars, hahaha!!

Sunna stóra og Reginn litli (miklar útskýringar)

2011-02-17T20:09:00.003Z

Sunna stóra fór með okkur í foreldraviðtal í dag í skólanum. Allt gengur glimrandi vel og erum við foreldrarnir svo stoltir.
Sunna var sótt af ömmu sinni í dag og fær hún að gista hjá henni í nótt (eftir að hafa beðið lengi eftir því). Amman fer með svo með hana í frístundarheimilið á morgun (skipulagsdagur í skólanum), þannig ég sé hana ekki fyrr en eftir vinnu á morgun. Voðalega finnst mér hún hafa stækkað allt í einu.

Reginn litli fékk smá lúxus meðferð á meðan. Við þrjú(mamman, pabbinn og drengurinn) hjóluðum út í Kringlu. Reginn fékk að velja sér sparibauk í Tiger, hann valdi sér gulllitað svín.
Við fengum okkur svo að borða á Stjörnutorginu.
Reginn var heldur betur ánægður með þetta.

Ég hef verið að hekla teppi síðasta mánuðinn og er ég búin með sirka 1/3. Þetta er mikil vinna en mér finnst þetta flott. Eitthvað sem maður á eftir að eiga alla ævi (vonandi). Frikki vill að ég geri svo annað teppi í gráum tónum. Við sjáum til.

The Cure - The Caterpillar

2011-02-14T22:53:00.001Z

Á maður ekki bara vera Robert Smith á Öskudaginn?

Listasýning og bíó

2011-02-11T22:58:00.002Z

Ég og mamma fórum í bíó í gærkvöldi aðra vikuna í röð. Myndin sem varð fyrir valinu var Black swan og var hún rosalega góð. Natalie Portman á skilið að fá Óskarinn fyrir þetta. Mæli með að þeir sem treysta sér fari á hana. Ég var nú smá smeyk en vel þess virði.

Bróðir minn er með listasýningu nú í gangi í Listasafni ASÍ(Freyjugötu) og fórum við hjónin og kíktum á hana. Listaverkið var mjög skemmtilegt enda með brilliant fólki í :)
Þetta tókst ótrúlega vel hjá okkur og er ég stolt af fjölskyldunni minni og bróður mínum sem nennir endalaust að gera skemmtilega list.

Sunna er orðin hress eftir lungnabólguna og fékk gæðastimpil frá lækninum í dag. Nú getur félagslífið hennar farið aftur að blómstra eftir að hún hefur haft hægt um sig síðustu 2 vikur.

saumaskapur

2011-02-04T21:08:00.002Z

Ég tók einn kjól og einn bol sem voru orðnir soldið slitnir á ákveðum stöðum og bjó til einn kjól með vösum. Vasarnir eru ermarnar á bolnum.
Nú er bara fara finna aðrar flíkur sem eru orðnar gamlar og tilbúnar í framhaldslíf.

Sunna er öll að verða betri að lungnabólgunni. Vonandi fer hún í skólann fljótlega í næstu viku.

góða snjóhelgi allir saman.

mánaðarheitin

2011-02-02T16:45:00.004Z

já!
mánaðarheit nr. 1 búið: janúar var markmiðið að taka til að minnsta kosti tvisvar í viku auka dóterí.
Niðurstaða: gekk ágætlega, ég tók til í fataskápnum, skápnum frammi á gangi, baðherbergisskápnum, og tók smá skurk í skrifstofunni. Ég hefði getað verið duglegri en ég hefði líka getað verið latari.
Ég er sátt með fyrsta mánaðarheitið.

Mánaðarheiti 2 er meira sálulegt og mun ég nota febrúar í að styrkja sál og huga. Hægt er að lesa gagnlegar bækur eða gera smá jóga. Aðaláherslan verður að hugsa jákvætt og reyna finna jákvæðan punt við allt.

Sannkallaður Pollýönnu mánuður.

síðasta helgin í janúar

2011-01-30T20:26:00.011Z

Afmælisveislan búin og tókst hún með eindæmum vel. Allir glaðir og ekki síst afmælisstrákurinn.
Hann er búinn að leika sér heilmikið af gjöfunum sínum og lesa nokkrar. Hann var í nýja Henson gallanum sínum í gær og í dag.

Sunna er því miður ekki eins hress. Hún var heima á föstudaginn með hitaslæðing og hósta. Hún var hress á laugardaginn en hóstaði mikið. Í dag hefur hún verið með smá hita og svo fór hann upp um kvöldamatarleytið. Nú sefur hún eftir að hafa fengið alls konar remedíur.
Pabbi hennar var heima á föstudaginn með henni og þar með verð ég heima á morgun.

Mamma og pabbi komu heim frá Flórída í morgun og gáfu Reginn svona bát, rosa flottur og hefur Reginn varla getað slitið sig frá honum.

Það er greinilega hægt að finna allt á Google (meira segja er pabbi farinn að segja "googlaðu þetta bara")

Mamma keypti líka svona fyrir mig og get ég varla beðið að byrja fikta. Only for us adults, er það ekki :)

Góða viku!

Elsku strákurinn minn 4 ára

2011-01-26T21:10:00.003Z

Hann Reginn verður 4 ára á morgun. Hann er búinn að bíða eftir þessum degi lengi.
Hann er búinn að ákveða að hann ætlar að hafa bláa risaeðlutertu í afmælinu sínu.
Á morgun verður hann vakinn með afmælissöng og gjöfum. Hann fékk að velja sér gott morgunkorn og valdi hann sér Lucky charms.
Hann fær svo uppáhaldsmatinn sinn í kvöldmatnum á morgun: grjónagraut.
AFmælið verður svo á laugardaginn og verður gaman að sjá hann loksins í sinni veislu.
Hann er búinn að fara í svo margar nýlega að áður en við fórum í síðustu sagði hann; hvenær á ÉG afmæli!!

hér eru nokkrar myndir af stráknum.

Reginn nokkurra daga gamall

Reginn kátikall 1 árs

2 ára

3 að fá flotta rúmið sitt. Sá er glaður

Reginn í dag

um nafnið Reginn

sparar í kreppunni

2011-01-19T20:36:00.004Z

Nú verður maður að vera hagsýn húsmóðir.
Ég lagaði 4 buxur í gær af Regin og bjó til nýjan bol úr tveimur gömlum handa Sunnu.
ÉG ætla svo að gera fleiri boli handa Sunnu.
Sunna er hæst ánægð með þetta og um að gera að nýta sér það áður en hún verður unglingur og fússar við öllu svona.
Bráðum fer hún að biðja um gsm og nýjustu tegund af gallabuxum.

Reginn (og Sunna reyndar) telja niður dagana í afmælið hans Regins. aðeins ein vika í þetta :)

Peysan hennar Sunnu

Buxurnar hans Regins (vel bætar)

Ég flokka nú þessi fatabreytingar sem smá tiltekt, er það ekki!?

Loksins!

2011-01-12T20:00:00.004Z

Loksins, loksins er ég búin með höfuðgaflinn. Ég er nokkuð sátt. Það má nú alveg gera meiri detail en mér finnst þetta bara töff.
Frikka langar til að ég klári út af veggnum til hægri. Kannski geri ég það seinna. En þetta getur þá staðið sjálft.

Þar sem ég hef verið að draga þetta næstum í ár flokka ég þetta undir tiltektina í mánaðarheitinu mínu. Þar með ein tiltekt búin þessa vikuna og aðeins ein eftir.

Ég er að safna kröftum eftir veikindi og 17 klst svefn. ætli tiltektin verði þá nokkuð fyrr en um næstu helgi.
Aðal taka til giggið er skrifstofan, þar hef ég og aðrir úr fjölskyldunni staflað upp dóti sem við ætlum að finna stað fyrir seinna.
Þetta er ekki næs looking :)

janúar - veikúar

2011-01-11T16:17:00.005Z

Jæja er ekki merki um það að það sé kominn janúar þegar allir eru meira og minna veikir eða massakvefaðir.
Þegar ég hugsa til baka síðustu ára hefur ef til vill meirihluti janúarra sem eru í mínu lífi (30) verið veikindamánuðir.
Núna er Sunna og Reginn massakvefuð og ég varð veik í gærkvöldi og fór því ekki í vinnuna í dag.
Ég lagðist upp í rúm kl: 21:30 í gærkvöldi og vaknaði til að athuga með heilsuna mína og koma börnunum í skólann og manninum í vinnuna. Fyrst um sinn ákvað ég að ég ætlaði í vinnuna en þegar beinverkir og kuldahrollur kom afturm um mig ákvað ég að það væri ekki sniðugt.
Ég lagðist upp í rúm í náttfötum, sokkum, trefil um hálsinn og sængina mína og sængina hans Frikka yfir mér.
Ég rumskaði um 11 og snéri mér á hina hliðina og vaknaði svo kl: 13:30.
Ég er enn að farast í hálsinum en ég vona að ég verð orðin hressari í kvöld.

fyrsti í mánaðarheitum

2011-01-05T23:14:00.003Z

Fyrsta mánaðarheitið gengur ansi vel ég er búin að taka til í tveimur skápum.
Einum litlum og einum stórum.
Sá litli var inni á klósetti og stóri er frammi á gangi. Þar náði ég að fylla einn poka til að gefa í Rauða krossinn. Henti 3 skópörum sem voru orðnir svo slitnir að það var ekki hægt að vera í þeim í bleytu. Ég keypti helmingin af þeim í Kolaportinu.

Er ekki skemmtilegt að lesa um skápatiltekt á internetinu. It's amazing hvað þú getur fundið á alnetinu :)

janúar 2011

2011-01-01T19:37:00.003Z

Margir gera kannski áramótaheit en þegar ég lít aftur, þá er eitt ár ansi lengi að líða og erfitt að gera eitt heit fyrir 365 daga.
Ég hef hugsað mér að gera mánaðarheit. 12 stutt heit sem eru ekki of erfið og maður getur staðið við. Þá lít ég til baka hvern mánuð og sé hverju ég hef áorkað, sama hvort það sé meiri jákvæðni, aukin hreyfing eða bara vera góð móðir. Þá getur maður verðið ef til vill stoltur af sjálfum sér 12 sinnum frekar en að næsta gamlárskvöld verið sár yfir því að hafa ekki staðið við heitið sitt.

Fyrsta heitið mitt er að vera duglega að taka til. Þá er ég ekki að meina svona venjuleg tiltekt, nei! heldur svona massív. Þar sem ég ákvað að vera ekkert að gera neina spes jólahreingerningu finnst mér allt vera svoldið svona út um allt. Það hleðst upp drasl inn á skrifstofu og ég er viss um að ein sorpuferð liggi hér og þar um íbúðina.

Já til að setja sér smá ramma í þennan mánuð verð ég að taka eitthvað til í allra minnsta lagi 2 sinnum í viku. Ekki gera of miklar kröfur en það verður að vera einhver áætlun svo að þetta standist. Að taka til í einni skúffu er nógu gott afrek.

Jæja vinir, gleðilegt 2011 og gleðilegan janúar :)

árið 2010

2010-12-29T11:54:00.011Z

Það er langt síðan ég hef gert svona annál. En mér fannst það alltaf skemmtilegt. Þar sem ég hef verið heldur öflug í blogginu síðustu mánuði ákvað ég að hella mér í að gera annál.
Gjörði svo vel.

janúar

Reginn varð 3. ára. Nú getur hann ekki beðið eftir að verða 4 ára og tala um það á hverjum degi.

Ég fór á mjög svo góða tónleika

og átti ég eftir að fara á aðra með þeim í nóvember :)

Ég fór á eitt besta djamm 2010 með Doddu, Rögnu, Láru og hitti ég líka Hrefnu og Völu frænku :)

Sunna byrjaði á sundnámskeiði hjá KR og brilleraði alveg. Við ætlum að athuga hvort að Reginn geti ekki farið á það í janúar 2011

febrúar

Krakkarnir fengu vegabréf :)
og krakkarnir voru sjóræningjar á Öskudeginum

mars

Fæsla númer 600 var gerð á Crazy steve.

Reginn fékk Handa, fóta og munnveiru sýkingu (gin og klaufaveiki í fólki).

Sumarbústaðarhelgi með Míkadó hópnum.

Reginn og Einar Kristján að tjilla

apríl

Það sem stóð uppúr þann mánuð var New York ferðin með mömmu.

Svo að sjálfsögðu Eyjafjallagosið

maí

það var ekkert bloggað í maí!
Ég fór í vorferð með vinnunni og var það rosa gaman.
Mamma mín varð 60.

júní

Ég hljóp í fyrsta sinn í kvennahlaupinu og gekk það mjög vel, 5 km á 33 mínútum :)
Ég skráði mig svo í Reykjavíkur maraþonið 10 km.

Ég fékk Sunnu til að koma með mér á lístasýninguna Lykkjur sem eru i Norrænahúsinu.

Sunna útskrifaðist úr Leikskólanum Klömbrum.

Kári og Elín eignuðust tvíburanna sína, Snæbjörn og Arngrím.

júlí

Tenerife!!

Það var bara yndislegt

ágúst

Ég hljóp Reykjavíkur maraþonið 10 km á 66 mínútum :)

Sunna byrjaði í skóla

Ég varð 29 ára og við fórum að borða á Tapas barinn. Ljúffengt :)

A-rockið hittist og horfðu á classic a-rock

september

Við fórum í margar dagsferðir þennan mánuð. Það var krakkaföstudagur með KFC og videoi.

Við fjölskyldan tíndum haustber

Ég og Sunna höfðum Evu og Sunnudag, þar sem við stoppuðum meðal annars í Vínberinu og fékk Sunna besta sleikjó sem hún hefur fengið.

Ég og Reginn höfðum Evu og Reginsdag.

Ég og Ragna vinkona fórum óvart að djamma og var rosa stuð.

Reginn var loksins búinn að aðlagast nýja leikskólanum eftir að hafa grátið í heilan mánuð. Hrikalegur tími.

Hilmar Egill kom inn í fjölskylduna. Við erum stuðningsfjölskyldan hans þar sem við eigum að hjálpa honum að tala íslensku, þar sem hann er með kuðungsígræðslu og móðurmál hans er táknmál (mamma og pabbi bæði heyrnalaus).

október

Við fórum upp í sumó og höfðum það kósý.

Ég og Reginn áttum Föstudagskvöld fyrir tvo. sunna fór í næturpössun til ömmu og afa. Frikki fór út að djamma með vinnunni. Þannig að ég og Regin voru ein saman. Við ákváðum að hafa það gott og svoldið menningarlegt hjá okkur. við fórum og fengum okkur sushi og kíktum á bókabúðina.
Þetta var yndislegt kvöld sem ég hugsa oft um.

Ég fór á Brother Grass tónleika, mjög gaman.

Frikki fór til Köben

Sunna varð 6 ára

Hún hélt stelpuafmæli, rosa fjör.

Strákurinn hennar Sigrúnar fæddist

Hallóvín partý með vinunum

nóvember

Ég fór á Harry Potter.

Ég varð ástfangin af skóm

sem Frikki gaf mér svo í jólagjöf :)

Við buðum nýjan bíl velkominn í fjölskylduna, hann Petrov.

desember

Ég fór í Lazer aðgerð og sé nú fullkomlega án gleraugna eða linsa.

Ég gerði 13 kjólar til jóla

Gleðilegt nýtt ár og takk fyrir það gamla.

Ég sé að ég hef verið duglegri að blogga á seinni hluta ársins. Ég mun halda áfram árið 2011

13. í þrettán kjólar til jóla

2010-12-24T09:09:00.001Z

Þrettándi var Kertasníkir,
-þá var tíðin köld,
ef ekki kom hann síðastur
á aðfangadagskvöld.

Hann elti litlu börnin,
sem brostu glöð og fín,
og trítluðu um bæinn
með tólgarkertin sín.

Þennan kjól keypti ég á Tenerife í sumar. Svona kjól hefði mér aldrei dottið í hug að ég mundi kaupa. En ég gerði það samt og fíla ég hann mjög vel, sérstaklega þar sem það eru vasar á honum.
Ég mun vera í honum í kvöld en aðeins snyrtilegri til fara um hár og andlit :)
Gleðileg jól.

Þorláksmessa

2010-12-23T21:54:00.002Z

Þorláksmessa, sem er þann 23. desember, er haldin til minningar um Þorlák hinn helga Þórhallsson biskup í Skálholti. Hann lést 23. desember 1193 og var þessi messudagur tekinn upp honum til heiðurs og lögleiddur 1199.

Á seinni tímum hefur Þorláksmessa orðið hluti af jólaundirbúningnum, en þennan dag eru margir að ljúka við að skreyta hús og híbýli og margir hafa þann sið að skreyta jólatréð á þessum degi. Á Þorláksmessu kvöld í Reykjavík fara flestir og ganga niður Laugarveginn.

Á Vesturlandi er vaninn að borða kæsta skötu á Þorláksmessu en sá siður hefur á síðustu árum orðið algengur um allt land.

Mer finnst svoldið gaman að wikipediast :)

12. í þrettán kjólar til jóla

2010-12-23T08:19:00.001Z

Ketkrókur, sá tólfti,
kunni á ýmsu lag. -
Hann þrammaði í sveitina
á Þorláksmessudag.

Hann krækti sér í tutlu,
þegar kostur var á.
En stundum reyndist stuttur
stauturinn hans þá.

Þennan kjól átti Lára vinkona og gaf mér hann. Ég breytti honum örlítið, tók stóran borða sem var við hálsmálið og lét tölu í staðinn. Mjög þægilegur, ég hef notað hann mikið í vinnunni.

11. í þrettán kjólar til jóla

2010-12-22T07:21:00.000Z

Ellefti var Gáttaþefur
-aldrei fékk sá kvef,
og hafði þó svo hlálegt
og heljarstórt nef.

Hann ilm af laufabrauði
upp á heiðar fann,
og léttur, eins og reykur,
á lyktina rann.

Þar sem í dag er kjóladagur í vinnunni verður ,aður að taka þetta með trompi ekki satt.
Lára vinkona gaf/lánaði mér þennan kjól á meðan hún er erlendis í námi. Hann er sjúklega flott-hallærislegur. Love it

10, í Þrettán kjólar til jóla

2010-12-21T08:05:00.000Z

Tíundi var Gluggagægir,
grályndur mann,
sem laumaðist á skjáinn
og leit inn um hann.

Ef eitthvað var þar inni
álitlegt að sjá,
hann oftast nær seinna
í það reyndi að ná.

Þennan keypti ég á Tenerife í sumar í H&M. Þægilegur og sætur.

9. í þrettán kjólar til jóla

2010-12-20T07:51:00.001Z

Níundi var Bjúgnakrækir,
brögðóttur og snar.
Hann hentist upp í rjáfrin
og hnuplaði þar.

Á eldhúsbita sat hann
í sóti og reyk
og át þar hangið bjúga,
sem engan sveik.

Þennan keypti ég í Kolaportinu á 500kr og lagaði því það voru göt undir báðum höndum. Ermarnar voru síðar og stytti ég þær. Mér finnst hann skemmtilegur en sumum finnst ég vera voða ömmuleg í honum :)

8. í þrettán kjólar til jóla

2010-12-19T13:12:00.002Z

Skyrjarmur, sá áttundi,
var skelfilegt naut.
Hann hlemminn o’n af sánum
með hnefanum braut.

Svo hámaði hann í sig
og yfir matnum gein,
uns stóð hann á blístri
og stundi og hrein.

Þennan kjól pantaði ég af internetinu. Þetta er svona landslagskjóll með hreindýri, fuglum og trjám. Frekar skemmtilegur.

Það væri flott að eiga kjól með þessu munstri.

7. í þrettán kjólar til jóla

2010-12-18T10:08:00.002Z

Sjöundi var Hurðaskellir,
-sá var nokkuð klúr,
ef fólkið vildi í rökkrinu
fá sér vænan dúr.

Hann var ekki sérlega
hnugginn yfir því,
þó harkalega marraði
hjörunum í.

Þennan skemmtilega kjól keypti ég í ..........Kolaportinu.... Já og hefur hann reynst mér vel, sérstaklega í vinnunni. Hann er ekki bara þægilegur og ég hef kennt börnunum litina á honum.

6. í Þrettán kjólar til jóla

2010-12-17T16:32:00.002Z

Sá sjötti Askasleikir,
var alveg dæmalaus.-
Hann fram undan rúmunum
rak sinn ljóta haus.

Þegar fólkið setti askana
fyrir kött og hund,
hann slunginn var að ná þeim
og sleikja á ýmsa lund.

Þennan kjól gaf Dodda mér fyrir einhverju síðan. Hún keypti hann í Svíþjóð í second hand búð. Mér þykir mjög vænt um hann

5. í Þrettán kjólar til jóla

2010-12-16T08:38:00.002Z

Sá fimmti Pottaskefill,
var skrítið kuldastrá.
-Þegar börnin fengu skófir
hann barði dyrnar á.

Þau ruku’upp, til að gá að
hvort gestur væri á ferð.
Þá flýtti’ ann sér að pottinum
og fékk sér góðan verð.

Þennan yndislega kjól keypti ég fyrir útskriftina mína úr HÍ 2008. Fyrst um sinn var hann spari, spari svo bara spari og svo loks hversdagskjóll. Yndislega þægilegur ef ekki bara sá þægilegasti af mínum kjólum.

4. í Þrettán kjólar til jóla

2010-12-15T15:34:00.002Z

Sá fjórði, Þvörusleikir,
var fjarskalega mjór.
Og ósköp varð hann glaður,
þegar eldabuskan fór.

Þá þaut hann eins og elding
og þvöruna greip,
og hélt með báðum höndum,
því hún var stundum sleip.

Þennan keypti ég á 500kr í Kolaportinu og var á báðum áttum hvort ég ætti að kaupa hann. Ég ætlaði alltaf að stytta hann en hef ekki enn komið mér í það.

Þar sem ég tek myndirnar af mér á timer-stillingu á morgnanna urðu sumir svoldið forvitnir og fengu að prófa líka.

Hér eru litlu crazy-arnir :)

3 í Þrettán kjólar til jóla

2010-12-14T17:20:00.002Z

Stúfur hét sá þriðji,
stubburinn sá.
Hann krækti sér í pönnu,
þegar kostur var á.

Hann hljóp með hana í burtu
og hirti agnirnar,
sem brunnu stundum fastar
við barminn hér og þar.

Er þetta ekki fínt bros mamma? (móðir mín finnst ég vera heldur fýld á myndum, þar með verð ég að brydda aðeins upp á þær :) )

Þennan kjól átti Dodda vinkona og hún gaf mér hann. Ég breytti honum örlítið, þar á meðal hálsmálinu.

Í vinnunni á föstudaginn er pakkaleikjadagur og eru konurnar hvattar til að vera í kjól (í anda Evu). :) ekki slæmt að koma á stað smá trendi :)

2. í þrettán kjólar til jóla

2010-12-13T16:52:00.002Z

Giljagaur var annar,
með gráa hausinn sinn.
-Hann skreið ofan úr gili
og skaust í fjósið inn.

Hann faldi sig í básunum
og froðunni stal,
meðan fjósakonan átti
við fjósamanninn tal.

Þessi yndisfagri doppukjóll var keyptur í Kolapportinu :)

1. í Kjólar til jóla

2010-12-12T16:22:00.001Z

Stekkjastaur kom fyrstur,
stinnur eins og tré.
Hann laumaðist í fjárhúsin
og lék á bóndans fé.

Hann vildi sjúga ærnar,
-þá varð þeim ekki um sel,
því greyið hafði staurfætur,
-það gekk nú ekki vel.

Þar sem það er Sunnudagur og lífinu tekið með ró. Ákvað ég að vera í frekar þægilegum kjól.
Þennan keypti ég í Kolaportinu góða.

13 kjólar fyrir jól

2010-12-08T21:28:00.002Z

Það er ekkert í kjólinn fyrir jólinn hjá mér heldur 13 KJÓLAR FYRIR JÓL.

Jamm ég ætla að vera í einum kjól á dag í 13 daga fyrir jól eins og jólasveinarnir. Nema ég verð kjólasveinn eða kjólamey.
skemmtilegt ekki satt :)

lost in laser!

2010-12-03T11:52:00.002Z

vá hvað þessi mynd var ekki góð og hefur örugglega aldrei verið góð. Ég var bara að hugsa um hana svo mikið um daginn að ég ákvað að kíkja á hana. ég spólaði nú bara í gegnum hana og þvílíkur horbjóður. Ég er nú alveg sci-fiari og þótti meiri að segja gaman af öllum Species myndunum. Þetta var allavega eitthvað sem ég mun ekki horfa á aftur.

Nú er vika í laser-inn minn og er ég bæði spennt og kvíðin. Læknirinn sagði að ég mundi eflaust sjá betur en ég geri með hjálp linsa. Vó þá sé ég örugglega eins og Liono í Thundercats. Give me sight beonde sight!

Spennó, blennó!!

Nýr bíll - vertu velkominn

2010-11-30T18:47:00.002Z

Við Frikki höfum átt 3 bíla saman og Frikki átti 1 þegar við kynntumst. Hjá okkur hefur skapast skemmtileg hefð þar sem við nefnum bílana nöfnum sem eiga við það land sem þeir eru framleiddir í.
T.d
Fyrsti bíllinn (Frikka bíll) var Lada og bar hann nafnið Fyodor

Annar bílinn sem við keyptum þegar Sunna var 3 vikna var Skoda Felicia og hét Pavel

Þriðji bíllinn okkar keyptum við þegar Reginn var nýfæddur eftir að Pavel dó tveimur vikum áður en Reginn fæddist. Hann var japanskur (mazda premacy) og hét Ichiro.

Nýjasti er Skoda Fabia og mun bera nafnið Petrov. Velkominn!

10.des og 27. nóv

2010-11-27T09:57:00.002Z

Í tilefni þess að ég er að fara í laser aðgerð 10.des er þetta mynd dagsins. Ekki vegna söguþráðar eða listagildis hennar heldur vegna þeim búnaði sem er notaður til að glenna upp augun. Þannig verð ég eftir tvær vikur.

Laugardagurinn mikli 27.nóv 2010

- Íþróttaskóli hjá Reginn
- Jólaföndur í leikskólanum hans Regins
- Jólaföndur í skólanum hennar Sunnu
- Afmæli hjá Rebekku Lind (3 ára)
- búð og ríkið
- krakkar í pössun
- jólagleði starfsmanna á leikskólanum Sólborg :)

Fullur dagur af gleði og hamingju :)

Fótbolti, afmæli, bíó, pabbi og sunnudagsmyndin

2010-11-21T21:22:00.007Z

Í síðustu viku var ég að reyna að stofna fótboltahóp til að hittast vikulega og spila. Ég ákvað að það yrði eflaust skemmtileg að reyna hitta stelpur sem voru með mér í Árbæjarskóla. Ég stofnaði hóp á facebook, það var ekki alveg að virka svo að ég bjó ég til persónu sem heitir Árbæjar bolti. Það virkaði betur en einhvernvegin er ég voða skeptísk á að einhver mæti. Reyndar er ég svoldið nörvis að einhverjar komi og völlurinn sé ekki laus. Þá er reyndar malbikaður völlur við hliðina. Erfitt þar sem er bara happa glappa hvort að völlurinn sé laus. Kannski maður þyrfti að finna einhvern völl sem er ekki vinsæll.
Vá! mikið sem maður hugsar...

Ég og Frikki héldum uppá 11 ára afmæli okkar á föstudaginn með að fara út að borða, það var ósköp næs.

Ég fór óvænt í bíó á laugardagskvöldinu. Frikki var að vesenast eitthvað í tölvunni og ég ákvað að skella mér í tíu bíó á Harry Potter. Lúxus að vera einn í bíó. Ég kom svoldið seint og allir sestir niður en samt gat ég fengið sæti beint í miðjunni á besta stað :)
Myndin var frábær en ég mæli með að lesa bókina fyrst. Ég las hana í fyrra og ætla að lesa hana aftur núna þegar ég verð búin með bókina Við Urðarbrunn.
Bók sem ég las sem unglingur og þótti mér hún rosa skemmtileg og hún er alveg að ganga núna líka.

Pabbi minn er einn heima. Mamma er úti í New York hjá Curver bróður að passa Hrafnkel Tíma. Mér finnst eitthvað svo voðalegt að pabbi sé einn heima og ég hringi í hann á hverjum degi. Þegar pabbi svaraði í síman í gær var eins og hann væri unglingur og ég foreldri.
Eva: hvað segiru, hvar ertu.
Pabbi: ég er í Bónus.
Eva: og hvað ertu að kaupa.
Pabbi: banana og eitthvað
Eva: hvað ætlaru að gera í dag
Pabbi: hitt og þetta, byrja undirbúa málingarvinnu ofl.
Eva: hvað gerðiru í gærkvöldi
Pabbi: bara heima horfa á sjónvarpið
Eva: hvað ertu búinn að vera borða
Pabbi: hamborgara hjá Hamborgarabúllunni og pylsur á pylsubarnum.
Eva: viltu ekki borða með okkur í kvöld?
Pabbi: já, ok.

Jæja svo er það Sunnudagsmyndin í kvöld á Rúv: Rosemary's baby. Ætti maður að þora horfa á það?

Laser eða ekki laser?

2010-11-17T22:40:00.002Z

Ég á pantaðan tíma í forskoðun hjá laser augnlækni í næstu viku. Ég má ekki vera með linsur í eina viku. Það verður erfitt að vera með gleraugun í eina viku. Þau eru svo þung að ég verð eflaust mjög pirruð á þeim.
Spurningin er hvort að ég fái grænt ljós og fari í framhaldinu í laser aðgerð???

Kannski fæ ég svona laser vison!?

myndir úr vikunni

2010-11-13T19:04:00.001Z

Ég og mamma fórum saman í bíó í vikunni á The Kids Are All Right ég mæli ekki með henni.

Við fórum fyrst á Vegamót og fengum okkur smá að borða. Mamma fékk sér Eplaköku

Ég fékk mér Louisiana kjúklingastrimla enda er það geðveikt gott

Síðasta sunnudag gerði ég jóga með krökkunum það var bara gaman :)

hann er kaldur....

2010-11-12T20:07:00.003Z

... vindurinn.

Sjæse hvað er búið að vera kalt síðustu daga. Við fórum með litlu krakkana út í morgun og við þurftum að stytta útiveruna talsvert. Þau komu inn með hor niður að höku og það var frosið. Yndislegt!
Það er búið að vera nóg að gera þessa vikuna, búin að leysa mörg verkefni eins og; þrífa og bóna sófann, pússa skóna, klippa Frikka, baka fyrir vinnuna, búa til kveðjukort, fara með Sunnu og vinkonu hennar í heimsókn á gamla leikskólann þeirra, hugsa um stuðningsstrákinn okkar ofl.
Ég ætla að verðlauna mér með því að kúra upp í sófa og horfa á eitthvað skemmtilegt.

Ég er ekki komin í neitt jólaskap :(
ég er ekki einu sinni farin að hugsa út í hvernig jólakortin eiga að vera.

I'm in love....

2010-11-07T08:06:00.002Z

Þessir skór kölluðu á mig í búðinni, ég prófaði þá og mér líkaði strax við þá. Ég er ekki búin að hugsa um neitt annað en þá síðan ég sá þá í gær. Það kalla ég ást við fyrstu sýn. Ekki er verra að þetta eru ecco skór. En þeir eru ekki ódýrir: 20 þúsund :(

vikulok

2010-11-05T20:11:00.002Z

Við Frikki slúttuðum vikunni með kvöldverði á O-sushi the train. Mikið var það nú gott.

Við Ragna fórum á okkar venjulega stað síðasta miðvikudag. En við vorum mjög djarfar í þetta sinn og pöntuðum rétti sem við höfum aldrei smakkað áður. Vegamótaborgari og Louisiana kjúklingastrimlar. Við báðum um tvo auka diska og skiptum svo réttunum á milli okkar. Það var ekki bara snilldar hugmynd heldur einnig ó! svo bragðgott.

Snillingur vikunnar: Sunna fyrir að klára allann heimalærdómin á einu kvöldi.
Klaufi vikunnar: Eva fyrir að fá raflost í nefið og skalla hausnum í gólfið.
Dúlla vikunnar: Reginn fyrir að vera algjört krútt
Fartface vikunnar: Frikki fyrir að gefa mér raflost. (ég elska þig samt)

Þessir Louisiana strimlar voru lostæti. Fæ mér svona næst

Nóvember

2010-11-01T22:59:00.003Z

umm, nóvember kominn. Hvað mun gerast í nóvember.
- Ég fer á tónleika 6, nóv
- Foreldrafundir hjá krökkunum.
- Við Frikki búin að vera saman í 11 ár.
- Jólahlaðborð með vinnunni.
og eflaust eitthvað fleira skemmtilegt.

ÉG var að lesa gömul blogg áðan og sá það greinilega að eftir vissan barnaaldur (ég vil meina 3 ára) veikjast börn mun sjaldnar. Ég var að lesa að mín voru meira og minna veik aðalega fyrstu tvö árin.
Nú skrifa ég þetta og heyri Reginn hósta inni í herbergi :)

Já, aðalmálið í nóvember að nýja Harry Potter kemur!

Yndislegri helgi lokið

2010-10-31T20:50:00.005Z

Við fórum og hittum vina-fjölskyldur okkar í Halóvín veislu á föstudeginum. Yndislegt!

Laugardagurinn byrjaði brösulega þar sem ég fékk ælupestina. Maður er kannski heldur bjartsýnn að halda að maður myndi sleppa við þessa veiki. Þegar síðasta vika fór í að þrífa ælu eftir litlu stubbana á deildinni minni. Sem betur fer var ég orðin frekar hress um hádegi.

Við fórum eftir hádegi og kíktum á litla prinsinn hennar Sigrúnar vinkonu. Allt í góðu fólk ég var ekkert að knúsast í honum.

Reginn, Rebekka Lind og Sunna að gæða sér á ljúffengri súkkulaðiköku

Við Sunna byrjuðum daginn á því að hjóla á fótboltaæfingu. Enginn þjálfari var mættur svo að einhver Soccermom stóð upp og sagði "eigum við ekki bara að starta þessari æfingu!". Ég leit undan og þóttist skoða bikarana í glerskápnum enda ekki svona hress á sunnudagsmorgni.
Jú, jú kellingin startaði þessu með stórfiskaleik og svo kom þjálfarinn.

Við vorum dugleg að dunda okkur og þrífa í dag. Mér þótti skemmtilegast þegar krakkarnir drógu upp töluboxið mitt og fóru að sortera á meðan ég var að brjóta saman þvott.

Sunnudags-síðdegis-sundið er orðið vikulegt hjá okkur (enda aðeins einn sunnudagur í viku).
Kvöldmaturinn var heldur alþjóðlegur og allir sáttir eftir hann.

Afmælið hennar Sunnu.
Kökurnar sem Sunna óskaði eftir og skreytti sjálf.

Skrifborðið sem hún fékk í afmælisgjöf.

Stelpurnar í afmælinu spenntar í spurningarkeppninni.

Sunnan 6 ára

2010-10-26T20:37:00.004Z

Sunna á afmæli í dag og eins og örugglega flestar mæður gera á afmælisdegi barna sinna, hugsaði ég mikið um fæðinguna hennar í dag.
Sunna var glöð í morgun þegar hún fékk Lucky charms í morgunmat og skrifborð frá mömmu, pabba og Regin í afmælisgjöf. Amma og afi gáfu henni skrifborðstól.

Sunna 6 ára

Sunna 5 ára

Sunna 4 ára

Sunna 3 ára

Sunna 2 ára

Sunna 1 ára

Sunna 0 ára

menningarsunnudagur

2010-10-25T16:01:00.003Z

Á sunnudagsmorgninum þegar Frikki fór með Sunnu á æfingu héldum við Reginn áfram með menningarlegu stundirnar okkar.
Við gerðum smá jóga. Reginn var mjög áhugasamur og teygði hendurnar hátt upp og andaði inn og svo hendur niður og anda út. Þegar Reginn var orðinn leiður á æfingu lék hann sér með bíla og svo hoppaði hann inn þegar ég var að gera spennandi æfingu.
Já! Reginn er allur að mótast og ekki verra að hann læri snemma á sushi átu og jóga stellingar.

Þessi stelling vakti mestan áhuga hjá drengnum.

Fjölskyldan fór svo í sundhöllina. Ég elska búningsklefanna þar og bara bygginguna. Krakkarnir skemmtu sér mjög vel, það þarf greinilega ekki alltaf fínustu rennibrautina.

Menningardeginum mínum lauk með tónleikum á Rosenberg. Brother Grass var að spila. Yndisleg tónlist og mun ég eflaust vilja fara aftur á tónleika með þeim.

Föstudagskvöld fyrir tvo

2010-10-22T20:32:00.002Z

Í kvöld fór Sunna í næturpössun til ömmu og afa. Frikki fór út að djamma með vinnunni. Þannig að ég og Regin voru ein saman. Við ákváðum að hafa það gott og svoldið menningarlegt hjá okkur.
Fyrst fékk Reginn að borða uppáhaldsmatinn sinn ... Hamborgara

svo fórum við á Osushi og ég fékk mér að borða uppáhaldið mitt. Regin þótti þetta skemmtilegur staður og tók þátt í því að velja með mér diska. Hann varð svo menningalegur og fékk sér sushi-grjón og þótti góð.

Ahhh sushi!!

Reginn getur ekki tekið augun af góðgætinu

I'm turning Japanese
I think I'm turning Japanese
I really think so

Við kíktum svo niður í bókabúðina og ég skoðaði bækur á meðan hann spilaði undir.

Kósýtími upp í sófa sem endaði meðað Reginn sofnaði við hliðina á mér.
Snilldar kvöld með snilldar dreng.

Vegamót

2010-10-09T19:11:00.004Z

Við Ragna vinkona hittumst oftast á Vegamótum. Ég hef alltaf fengið góðan mat en síðast þá ákvað ég að prófa rétt dagsins, Sushi.
Hann var ekki góður og sushigrjónin ekki alveg soðin, smá hörð :(
Þá veit ég það að ég fæ mér bara sushi á O sushi train, Suzuzhii eða bý til sjálf.

Plattinn var samt flottur.

Ragna fékk sér pizzusamloku eins og svo oft áður. Hún er góð.

Sumóferð okt 2010

2010-10-03T21:41:00.005Z

Við fjölskyldan fórum upp í sumarbústað um helgina. Þetta var frekar stutt ferð en krakkarnir skemmtu sér vel. Reginn fékk að hafa systur sína útaf fyrir sig og þau léku sér næstum allann tímann.

Auðvitað var farið út sem fyrst....

... í litla sumarbústaðinn, eins og krakkarnir kalla litla húsið.

Góðu systkinin :D

Við borðuðum góðan kvöldmat og svo var kósýkvöld með snakki og nammi og að sjálfsögðu teiknmynd. Við tókum dýnuna upp af lofti til að hafa sem allra kósýast.
Frikki sýndi okkur samt fyrst smá teygju æfingar.

teiknimyndin sem við horfðum á var Bolt. Hún var mjög skemmtileg bæði fyrir krakkana og foreldranna.

Haustber

2010-09-28T21:37:00.003Z

Ég var með krakkana mína á leikskólanum í útikennslu í gær og við gengum í gegnum kirkjugarðinn.
Það var svo mikil litagleði í trjágróðrinum að ég átti ekki orð. Svo fundum við hvít ber...
Ég kom svo æst heim úr vinnunni eftir þennan berjafund að við fórum öll fjölskyldan og tíndum ber.

Frikki stóðst ekki mátið og vökvaði nokkur leiði í leiðinni.

Reginn með andarsvipinn sinn

Reginn með; ertu að bögga mig, svipinn

ofurglöð móðir

fallegt haustskraut í stofunni :)

Helgin sem kom á óvart

2010-09-26T21:03:00.003Z

Þessi helgi kom á óvart. Það var ekkert planað um helgina.
Á föstudagskvöldinu var Frikki í Civ leiknum og ég skaust í Kringlubíó og sá myndina Going the distance. Það var ágætis skemmtun.
Á laugardaginn ákváðum við Ragna að hittast um kvöldið. Auðvitað hittumst við á Vegamótum. Við kjöftuðum og kjöftuðum svo fór að heyrast skemmtileg tónlist og við dönsuðum og dönsuðum. Ég var komin upp í rúm kl: 03:30.
Mjög skemmtilegt og óvænt :)

Stelpustund

2010-09-25T00:35:00.004Z

Ég og Sunna áttum okkur stelpustund í dag. Ég sótti Sunnu rétt yfir 3 og náðum við í hjólið hennar og hjóluðum niður í bæ. Stefnan var tekin á kaffihús. Við deildum súkkulaðiköku á milli okkar, nammi, namm.

Við kíktum svo í Tiger að kaupa afmælisgjöf handa bekkjabróður hennar Sunnu. Ég sýndi Sunnu svo flottustu nammibúð landsins og hún fékk að velja sér eitt nammi.

Lakkríssleikjó varð fyrir valinu.
Hún hjólaði með bros á vör næstum alla leiðina heim eða þar til hún var orðin þreytt að hjóla upp brekkur (þó að varla sé hægt að kalla þetta brekkur, smá halli upp á við).

Ég er orðin Civilization-ekkja og þar með ákvað ég að bregða mér í bíó á síðustu stundu í kvöld á myndina Going the distance.

Föstudagur án Frikka

2010-09-18T21:10:00.004Z

síðasta föstudag var Frikki í vinnuferð svo að ég ákvað að hafa smá krakkakósýdag/kvöld.

Sunna fékk að vera með bekkjarbangsann hann Mosa um helgina og hann fylgdi okkur í föstudagsævintýrinu. Reginn fékk að taka kindina sína með. Reginn var líka staðráðinn í því að brosa ekki.

KFC var fyrir valinu. Krakkarnir fengu sér tvo leggi og franskar....

..... ég og mamma fengum okkur Boxmaster

Við komum okkur svo vel fyrir í sófanum með ostapopp og Gretti 2 í tækinu.

Þegar krakkarnir voru sofnaðir kom Dodda mín í heimsókn og áttum við yndislegt kósýkvöld saman. Doddan mín er að halda á vit ævintýranna til Brasilíu.

Korkurinn!

2010-09-13T12:30:00.002Z

Nú er korkurinn kominn á eldhúsgólfið og aðeins tvær umferðir að lökkun eftir.
Eftir það er að setja niður lista og þá er loksins allt búið í kringum parketið og korkinn :)

Kátir frændur

Nú er maður orðin heldur betur góður í blogginu

Hér eru nýjar myndir á myndasíðunni
og meiri segja er
nýtt gullkorn

Reginsdagur

2010-09-05T14:50:00.002Z

Ég ákvað að fara með Reginn í smá bæjarferð á hjólinu. Reginn er að upplifa það erfiða verkefni að vera yngra systkini og fá ekki að fara út eins og Sunna.
Því miður gleymdi ég myndavélinni en það voru mörg myndamóment, því hef ég ákveðið að skrifa smá ferðasögu.
Við hjóluðum hratt niður í bæ og gáfum öndunum brauð.

Það var rosa mikið af sjóliðum niðri í bæ og einn sat á Austurvelli með fartölvu, svoldið fyndið.

Við ákváðum að leggja hjólinu og fara í Kolaportið, þar fundum við regnjakka á Reginn á 2 þúsund sem er fyndið því við skoðuðum einn í gær í 66 gráður norður og fannst mér sá jakki ansi dýr. Reginn fanns svo svartan bol á mig þar sem á honum stóð EVA, auðvitað varð ég að kaupa hann.
Svo fer maður nú ekki í Kolaportið nema kaupa flatkökur frá Selfossi.

Ég ákvað að vera menningarleg móðir og fara með drenginn á kaffihús. Þar fengum við okkur súkkulaðiköku og ég gat lesið tvö slúðurblöð á meðan Reginn skoðaði fólkið í kring og gúffaði í sig köku.

Við kíktum í Tiger og keyptum eggjaklukku í eldhúsiðog litla gjöf handa Frikka.

Síðan var haldið heim. Þar fengum við okkur flatkökur... nammi namm!

Krummadiskur og Reginn fyrir 3 árum

2010-09-04T19:23:00.003Z

Frískandi að fara út að hlaupa, nú eru tvær vikur síðan ég hljóp 10km (66mín )í Reykjavíkur maraþoninu.
Stundum finnst mér gaman að fletta upp myndum síðasta árs og þá í sama mánuði t.d fyrir þremur árum var stuð hér í Mávahlíðinni. Við vorum tiltölulega nýflutt og brutum niður vegg og skiptum á teppi og skiptum um þvottahúsinnréttingu.
Reginn leit líka svona út :)

Nú hef ég fengið upp í hendurnar smá pening (öllu heldur afmælisgjöf frá yndislegu tengdó), ég ákvað að eyða í eitthvað sem ég hef lengi langað í en ekki týmt.

árinu eldri...

2010-08-29T15:41:00.006Z

Nú er maður orðin 29 ára.
Við Frikki höfðum planað að fá okkur Tapas á föstudagskvöldið í tilefni afmælisins míns. Að morgni föstudags var ég ekki allt of bjartsýn þar sem Frikki var ansi slappur og ákvað að vera heima úr vinnu. Ég hugsaði með mér að við myndum þá bara panta okkur eitthvað take-away. Innst inni langaði mér samt í Tapas. Eftir ágætan vinnudag sótti ég krakkana sem voru báðir glaðir eftir sinn skóladag. Frikki var enn í náttfötunum en mun hressari. EFtir sturtu leið honum miklu betur og ákváðum við að skella okkur á Tapas barinn mér til mikillar ánægju.
ÉG hafði aldrei komið áður þanngað, við pöntuðum okkur óvissuferð sem innihélt 7 rétti. Allir nokkuð solid og var ég ánægð með matinn og maginn líka.

ÉG fyrir utan Tapas-barinn í fína kjólnum mínum og með rosalegaflott hálsmen sem vinnan gaf mér :)

Eftir að ég las fréttablaðið á laugardaginn fór ég inn á Heimurinn bloggsíðu þar sem einhver Baldur fór í 8 mánuða ferðalag um heiminn og tók fullt af myndum. Helvíti gaman að skoða það.

Heimurinn

Hugurinn fer að reika og mig langar mikið að ferðast þegar krakkarnir eru orðin stór. Kannski eftir 15 ár :)

Haustið komið með fyrstu skólagöngunni

2010-08-25T20:40:00.004Z

ágúst er búinn að vera busy mánuður. Afmæli hægri, vinstri og tvö meira segja í Keflavík.
a-rock hittingur og fleira.
Stærsti atburður mánaðarins er án efa fyrsti skóladagur Sunnu sem er á morgun.
Sunna er svo heppin að vera í bekk með bestu vinkonu sinni :)
Sunna er rosa spennt og getur ekki beðið eftir að byrja.
Hitt barnið hefur aftur á móti ekki átt sjö dagana sæla því hann er í aðlögun á nýjum leikskóla og grenjar alla daga. Hann grét reyndar bara fyrir hádegi í dag, þannig vonandi kemur þetta smátt og smátt.

Ég verð 29 ára á föstudaginn og ætlum við hjónin að skella okkur á Tapas barinn. Ég hef aldrei farið þanngað en heyri góða hluti.

Sunna spennt fyrir fyrsta skoladeginum.

Ágústinn er kominn

2010-08-01T21:35:00.003Z

Þá fer að líða að því að sumarfríinu ljúki. Það er búið að vera æðislegt hjá okkur á Tenerife :D Krakkarnir brostu yfirleitt allan hringinn þarna úti.
Mér hefur alltaf fundið ágúst skemmtilegur mánuður, ekki bara afþví að ég á afmæli í þeim mánuði, heldur er alltaf svo mikið að gerast í honum; Verslunarmannahelgin, Gay Pride, menningarnótt og fleira.
Ég fer líka oft að hugsa um veturinn í ágúst, hvernig hann á eftir að verða, já ég hugsa svipað og ég geri um áramótin. Ég held að ágústheitin mín í ár verði að reyna taka eitt í einu og reyna eins og möguleiki er að plana ekki of mikið. Allt er gott í hófi!

Fjölskyldan á Tenerife

Topp 13

2010-07-09T09:30:00.003Z

Mér finnst alveg rosa gaman að lesa og skoða Topp 10 á föstudögum í Fréttablaðinu. Ég hugsa stundum hvað ég mundi taka fyrir ef ég væri spurð.
Í morgun greip ég myndavélina og valdi nokkra hluti til að taka mynd af sem er í einhverju uppáhaldi hjá mér. Ég komst að því að það eru miklu fleiri en 10 hlutir og líka fleiri en 13 en ég tók samt bara myndir af 13 uppáhalds.

Vasi sem amma Engilráð átti, mér þykir mjög vænt um hann.

Ömmu myndirnar mínar Hrefna til vinstri og Engilráð til hægri. Ég fattaði að mig vantar mynd af Sissu ömmu.

Nýlega kom þessi saumakommóða inn á heimilið. Tengdamamma mín ætlaði að henda henni en ég bjargaði henni og þykir mér mjög vænt um hana.

He-man tígrisdýrin sem ég keypti í Kolaportinu fyrir einhverju síðan. Regin finnst líka rosa gaman að leika með þá.

Einhverskonar platti sem Sissa amma átti, hann hangir upp á vegg inni í eldhúsi og hefur hann alltaf fylgt mér/okkur í öllum okkar íbúðum.

Klukkustrengur sem við mamma gerðum saman.

Ilmpostulínhjarta sem Sissa amma átti og þykir mér mjög vænt um það. Það brotnaði þegar við vorum að flytja á Fálkagötuna en ég límdi það saman og það hefur fylgt okkur.

yndisleg mynd af Sunnu

Málverk eftir Birgi afa. Mamma og pabbi létu ramma hana og gáfu okkur hana í innflutningsgjöf þegar við flutum í Mávahlíðina.

Vínilplötu cover sem mamma lét ramma inn og gaf mér ein jólin.

Æskubangsarnir okkar Frikka sem eru upp á hillu inni í svefniherbergi.

Fyrsti kjólinn sem ég saumaði úr gömlu sænguveri. Aðeins klukkutíma áður en ég fór á ball (í 9 eða 10.bekk)

Eyrnalokkasafnið mitt sem ég er mjög stolt af (þess má geta að ég fékk göt í eyrun 20 ára)

jamm þannig var nú það

myndir segja oft meira

2010-07-08T12:04:00.001Z

Góð stund á kaffihúsi

Gaurinn með trúðaís

lok júní - byrjun júlí

2010-07-04T11:43:00.004Z

Yummy! ég bjó til muffins fyrir afmælið hans Frikka. Ég lét double súkkulaði inn í þær til að gera þær einstaklega góðar. Frikki var hæst ánægður með afmælið sitt.
Um kvöldið fórum við út að borða á Vegamótum (klikkar aldrei) og svo fékk Frikki sér bjór á Ölstofunni og ég fékk mér hvítvín.
Auðvita kom ekkert annað til greina en að hjóla.

Nú ætlum við að reyna hjóla sem mest og spara bílinn. Það er náttrúlega ósköp létt að segja þetta þegar það er sumar og gott veður. Kannski mun þetta breytast í vetur?

Reginn byrjar í nýja leikskólanum á morgun og Sunna á bara eina viku eftir í leikskóla. Vó hvað það er skrýtið!

Amigurumi iðja vekur áhuga minn þessa stundina.

sumarið næstum hálfnað

2010-06-27T09:04:00.002Z

jæja, markmið sumarsins eru komin vel á veg. Ég er búin að hlaupa í kvennahlaupinu. Það gekk vel og náði ég 5km á 33 mínútum :)
Við erum rólega að breytast í hjólafjölskyldu og ég er búin að klára Freaks and Geeks.
Þá er bara Esjan og 3kg eftir.

ÉG er búin að skrá mig í reykjavíkur hlaupið 21.ágúst, 10km. Í versta falli geng ég restina ef ég verð búin á því og kem síðast í mark. Ég hef 2 mánuði að æfa.

Ég fékk Sunnu til að koma með mér á lístasýninguna Lykkjur sem eru i Norrænahúsinu. Hún var að fíla hana ágætlega. Hún spyr samt alltaf um fyrstu listasýninguna sem hún fór á; Taflsýningin sem var á Kjarvalstöðum fyrir einhverju síðan.

Well allir eru kvefaðir í fjölskyldunni þannig það verður ekkert skokkað í dag hvað þá farið í langann hjólatúr.

13km

2010-06-17T20:39:00.001Z

Við fjölskyldan hjóluðum í pönnukökur til mömmu og pabba á sólvallagötunni. Sunna hjólaði báðar leiðir og allt í allt var það 13 km. Rosa dugleg.

Framtíðin

2010-06-16T22:07:00.002Z

Ég er farin að íhuga framhaldsnám. Masterinn, dísus. Ég fæ bara hroll þegar ég hugsa um ritgerðir og hópverkefni. Ég held að hópverkefni séu fundinn upp af bjána.
Nei, ég segi svona. Það gengur örugglega betur í master, þar eru allir sem vilja læra. Er það ekki?!
Ef mér líst jafnvel á þetta masternám í haust mun ég eflaust sækja um það á vorönn og taka það í fjarnámi. Svona til að athuga málið betur.

Núna eru spennandi tímar hjá mér í vinnunni. Ég veit ekkert á hvaða deild ég verð eða hvaða verkefni ég fæ. En eitt er víst að ég fæ að sinna sérkennslu :) jibbí

Sumarið að koma og við bíðum eftir sumarfríinu, Tenerife og chill :)

Markmið sumarsins eru svo hljóðandi.

# Ganga uppá Esjuna
# Hlaupa í Kvennahlaupinu 5km
# léttast um 3 kg
# breyta fjölskyldunni minni í hjólafjölskyldu
# klára Freaks and Geeks

og margt fleira

ódugleg!

2010-06-10T19:09:00.003Z

Vá!! ekkert skrifað í maí.
Eva þegar þú lest þetta blog eftir 40 ár áttu örugglega eftir að hlægja að því að það hafi verið til blogg. Því árið 2050 er ekki til blog heldur bara cyperspace hologram blogamatozis system.
Hahaha

Skemmtilegur sunnudagur

2010-04-25T21:14:00.006Z

Við vorum rosalega menningaleg í dag. Ég og Reginn fórum á útskriftasýningu LHI í dag.
Frikki og Sunna fóru á vísindasýninguna í Norræna húsinu. Sunnu fannst svo gaman síðast að hún vildi sýna pabba sínum líka hvað væri skemmtilegt. Reginn skemmti sér konunglega á LHÍ sýningunni.

Sunna er byrjuð að læra að hjóla á tvíhjóli og gengur mjög vel. Engin hjálpardekk. Ég er búin að hlaupa með henni í gær og dag. Í dag hjólaði hún sjálf heila 10 -15m, hún var svo stolt og ég líka. Við dönsuðum sigurdans. Eins og Sunna sagði "ég fann jafnvægið mitt".

Nú er bara 2 og 1/2 mánuður þanngað til að við fjölskyldan förum til Tenerife :) vonandi verður flogið :)

Nokkrar myndir frá N.Y

2010-04-24T20:15:00.003Z

Við mamma fórum síðustu helgi til New York. Mamma fór aðalega til að hitta litla Tíma. Og auðvitað foreldrana líka. Ég var svo ánægði hvað mamma var ánægð að fá að dúllast í honum og reyndi ég að hjálpa eins og ég gat, enda borgaði mamma ferðina :)
Ég fékk hálfgert sjokk hvað New York er hrikalega stór!
Vá hvað maður er ekkert nema lítil doppa á jörðinni. Endalaust fólk alls staðar. Biðraðir alls staðar. Sjæse!!!
En það var gaman að skoða þar og fékk ég að kíkja á Tim Burton sýninguna í MoMa.. Það var æði!!

hér eru örfáar myndir því að maðurinn minn er að vinna lokaverkefni í tölvunni.

Hrafnkell Tími og backpack

bagels og doughnut í morgunmat :)

Magnolia Bakery eins og í Sex and the city

Hrafnkell Tími að leika á leikvelli

Ég og KidRobot

Tim Burton sýningin

Sushi, New York style

Páskar 2010

2010-04-08T20:49:00.003Z

Kallinn er alltaf í tölvunni. Ég hef ætlað að blogga síðan á sunnudag en ekki komst ég að. Hann er reyndar með löglega afsökun þar sem hann er að vinna að lokaverkefni í einhverjum stjórnandakúrs. Mest 10þúsund orð.

Páskarnir voru yndislegir. Það var etið hóflega mikið, útivera og sund voru stunduð. Heimsókn í sumarbústað hjá mömmu og pabba. Ferð í IKEA. Ferð með frænkum og bróður í húsdýragarðinn og margt fleira.

Nú er aðeins vika í New York og var hitinn þar í dag 30C. Ég veit ekki hvort ég muni eða veit hvernig á að klæða sig í slíkum hita.

Hér eru nokkrar útvaldar myndir úr sumarfríinu.

Hvað ætli Frikki sé að tala um? hummm látið hugann reika :)

Færsla númer 600

2010-03-29T20:42:00.002Z

Jahá, þá er maður búinn að blogga í 5 ár.

365 x 5 = 1825/600 = 3,0416666

Sem sagt ég er búin að blogga að meðaltali þriðja hvern dag.

Sunna er búin að vera á sundnámskeiði síðan í janúar. Í dag var síðasta æfing fyrir sundsýningu sem verður næsta miðvikudag. Sunna er orðin rosa klár. Þegar hún byrjaði gat hún ekki kafað og var svolítið óörugg í sundi. Nú er hún búin að breytast í sel og kafar næstum allan tímann.
Henni hlakkar mikið til að sína listir sínar næsta miðvikudag.

Hér er hún að æfa sig að hoppa rétt ofan í laugina :)

Ég er búin að gera dauðaleit af páskaeggi númer 3 frá Nóa og Síríus en það er bara ekki til. Það er að segja ég finn það ekki í búðunum. Mér finnst númer 2 aðeins og lítið fyrir krakkana en númer 4 aðeins og mikið. Þar með númer 3 fullkomin stærð... En hvar eru þau???

Bangsímon helgi

2010-03-28T20:06:00.003Z

Síðasta vika hefur eflaust verið með þeim skrítnustu sem ég hef upplifað. Reginn var veikur alla daganna fyrir utan föstudaginn. Ég var heima mánudag og miðvikuda en Frikki var hálfan þriðjudaginn og fimtudaginn. Svo hjálpuðu ömmurnar helling til. Sunna fór svo veik heim á fimmtudeginum með eitthvað illt í maganum, hún fór þó aftur í leikskólann á föstudeginum. Eftir allt þetta er Reginn svo orðinn drullukvefður og er með hósta frá helvíti. Krakkarnir sem varða nánast aldrei veik eru að taka þetta með trompi núna..........Vá hvað ég hlakka til páskanna!

Ég fór á fótboltadjamm í gær og kjaftaði næstum allann tímann við eina gellu. Kanski smá partý-pooh-bear þar á ferð. En það er allt í lagi. ER Það Ekki??

Ég átti fullkomið föstudagskvöld. Frikki fór að hitta strákana og ég og Sunna áttum kósýkvöld saman. Við keyptu okkur ostapopp og 7 nammi á mann og horfðum á Stórmynd Gríslings. Sunna veltist um úr hlátri, mér þótti voða gaman að horfa á hana. Hún fór svo að sofa kl. 22:30.
Ég hlammaði mér fyrir framan sjónvarpið og setti How I meet your mother í gang og sofnaði fyrir framan það. Frikki vakti mig svo þegar hann kom heim og ég skreið upp í rúm.
Êg elska að sofna fyrir framan sjónvarpið.

Hjónin

2010-03-22T19:09:00.004Z

Árshátíð var hjá Frikka vinnu síðasta laugardagskvöld. Það var fjör enda Sjonni Brink sem sá um skemmtunina. Ja, hann kom okkur öllum á óvart með að standa sig vel og skemmtu allir sér vel.

Reginn er kominn með Handa, fóta og munnveiru sýkingu (gin og klaufaveiki í fólki). Hann er hinn hressasti með bólur á höndum, fótum, hnjám, olbogum. Hann er ekki með hita og finnur ekki fyrir þessu. Samt sem áður má hann ekki fara í leikskólann vegna hættu á smiti.

Hér er smá meira um þetta fyrir þá sem vilja

Ég fékk mér litla sæta myndavél og það er svo gaman að geta haft hana í veskinu og tekið myndir hvar sem er.
Sjá sýninshorn #1

Sumó bumó

2010-03-15T20:49:00.002Z

Yndisleg sumarbústaðarferð með góðu fólki yfirstaðin. Við vorum svo rosalega hipp og kúl að við ákváðum að grilla ekki heldur búa til Sushi.

Þetta var æðislegt ég hefði getað verið upp í sumó í viku en ég á svo aktívan mann að hann verður eirðarlaus eftir 2 klst. Planið er að vekja upp Warhammer áhugamálið hans eða módelsmíði. Þá getum við verið lengur næst :)

Reginn er svo hrifinn af litlum börnum að hann var hugfanginn af honum Einari Kristjáni. Hann knúsaði hann, lét hann fá snuðið sitt og las fyrir hann bók. Þá langaði mig að eignast barn fyrir hann. En sú tilfinning fór sem betur fer fljótt. Hann fær bara að dúllasti í Einari og tvíburunum (Elín og Kári)í sumar.

Sunna og Ásta voru duglegar að spila og var abalon vinsælast. Hin ýmsu spil voru líka reynd enda afkvæmi Míkadóarra.

Einn snjókall í lokin. Örugglega sá eini sem verður gerður í vetur (febrúar).

Febrúar 2010

2010-03-07T20:52:00.002Z

Febrúar var góður, þar sem ég var lítið að blogga þennan mánuð ætla ég að gera svona samantekt. Það gæti verið gaman vegna þess að ég hef ekki gert svoleiðis síðan ég var í skóla. Kannski fæ ég skólafílinginn í mig aftur, vonum ekki, ég nenni ekki strax aftur í skóla.

Lára vinkona flutti til Ástralíu og var svo góð að láta mig fá fullan poka af fötum og skóm sem ég mátti eiga eða gefa rauðakrossinum. Ég er svo heppin að við notum sama númer af fötum og skóm. Ég bauð 10 nýjum skópör velkomin á nýja heimilið sitt og held ég að þau séu bara ánægð.

Ég og mamma fórum í bíó á It's complicated og hlógu við ansi mikið:)

Við skráðum frumburðinn okkar í skóla og frístundarheimilið. Það var stórt skref og ég trúi því ekki að hún sé orðin svona stór.

Við pöntuðum ferð til Kanarí í sumar og við mamma pöntuðum ferð til New York. Kjellingin bara á ferð og flugi á kreppuárinu.

Við buðum Kára, Elínu og Freyju í mat (hamborgaraveisla).

Sunna fór með ömmu sinni og afa og Ísold frænku upp í sumarbústað. Reginn fékk að njóta sín heima með athygli beggja foreldra. Hann breytist í ungling svefnlega séð og svaf í 13 klst báðar næturnar.

Sem sagt góður mánuður og ætli hinn verði ekki enn betri þar sem hann er nokkrum dögum lengri.

Öskudagur 2010

2010-02-17T16:40:00.002Z

krakkarnir mínir eru svo yndisleg að þau samþykktu bæði að vera sjóræningjar.
Ég keypti vesti, höfuðfat, lepp og krók á skit og ingenting. Svo var bara notuð gömulföt, klippt og tússuð.

Sunna vildi vera með skegg þótt hún væri í pilsi :)

Mamman var svo Aladín

Leti - spleti :(

2010-02-11T21:41:00.004Z

Ég er í einhverri letitíð núna. Ég geri ekkert á kvöldin nema horfa á sjónvarpið eða vera í tölvunni. Öll mín fjögur verkefni sem ég ætlaði að klára sem fyrst sitja á hakanum. Ég verð að fara rífa mig upp.
Ég þarf líka aðeins að hugsa um bumbuna mína en ég bara ét og ét.
Mig vantar orku, gef mér orku TAKK!!!

Á morgun er ljótupeysudagur í vinnunni. Mamma lánaði mér eina en hún er eiginlega komin aftur í tísku. Helga frænka var svo góð að lána mér eina ljóta og svo ætla ég að vera í bleiku buxum til að pumpa upp ljótleikann.
Kemur í ljós hvernig verður.

Föt, föt, föt

2010-02-09T10:48:00.002Z

Lár vinkona var að flytja til Ástralíu og þurfti að losna við föt og skó. Ég er svo heppin að nota sömu stærð og lára í fötum og skóm að hún gaf mér fullt af gömlum fötum sem hún ætlaði að henda. ÉG tók sirka helming og hinn helmingurinn fór í rauða krossinn.
Takk Lára.
Nú er ég bara orðin gella í flottum skóm :)
Nú er lítið að gerast hjá okkur, nema það að öskudagur er í næstu viku og verð ég eitthvað að sauma á krakkana, redda eða svoleiðis. Ég á svo skynsama krakka að þau ætla bæði að vera sjóræningjar. ÉG á gamlar buxur og gamla boli sem hægt er að klippa eða rífa og gera sjóræningjalegt. Við keyptum svo smá dót í Hagkaup. Það er svo gaman að vera gera smá svona heimatilbúna búninga. Vona að það endurvekjist í kreppunni.

Stórt skref var tekið í gærkvöldi þegar frumburðurinn var skráður í grunnskóla. Núna er ég tilbúin að takast á við að ég er að verða þrítug.
Aðeins eitt og hálft ár í það.